Shree Gowrishankar Matha-Kabbur Claimed

ಶ್ರೀ ಗೌರಿಶಂಕರ ಮಠ – ಕಬ್ಬೂರ

ಕರ್ತೃ – ಪೂಜ್ಯ ಶ್ರೀ ಗೌರಿಶಂಕರ ಮಹಾಸ್ವಾಮಿಗಳು

ಬೆಳಗಾವಿ ಜಿಲ್ಲೆ ಚಿಕ್ಕೋಡಿ ತಾಲ್ಲೂಕಿನ ಕಬ್ದೂರ ಗ್ರಾಮದಲ್ಲಿ ಪೂಜ್ಯ ಶ್ರೀಗೌರಿಶಂಕರ ಮಹಾಸ್ವಾಮಿಗಳಿಂದ ಸ್ಥಾಪಿತಗೊಂಡಿರುವ ಪುರಾತನ ಕಾಲದ ಶ್ರೀ ಗೌರಿಶಂಕರಮಠವು ಅಸ್ತಿತ್ವದಲ್ಲಿದ್ದು ತನ್ನ ಧಾರ್ಮಿಕ ಆಚರಣೆಗಳ ಮೂಲಕ ಈ ಭಾಗದಲ್ಲಿ ಧಾರ್ಮಿಕವಾತಾವರಣವನ್ನು ನೆಲೆಗೊಳಿಸಿದೆ. ಶ್ರೀಮಠವು ಶ್ರೀಮದ್ ರಂಭಾಪುರಿ ಪೀಠದಶಾಖಾಮಠವಾಗಿದ್ದು ಪುತ್ರವರ್ಗದ ಪರಂಪರೆಯಲ್ಲಿ ಬೆಳೆದುಬಂದಿದೆ.ಶ್ರೀ ಗೌರಿಶಂಕರ ಮಠವು ಪುರಾತನ ಕಾಲದ್ದಾದರೂ ಶ್ರೀಮಠದ ಬಗ್ಗೆ ಹೆಚ್ಚಿನಮಾಹಿತಿಗಳ ಉಪಲಬ್ದತೆಯಿಲ್ಲ. ಬಹುಶಃ ಶ್ರೀಮಠವು ಅಧಿಕ ಕಾಲ ಖಾಲಿ ಉಳಿದಿದ್ದುಕರ್ತೃಗುರುಗಳ ಹೊರತಾಗಿ ನಂತರ ಬಂದಿರಬಹುದಾದ ಗುರುಗಳ ಬಗ್ಗೆ ಹೆಚ್ಚಿಗೆತಿಳಿದುಬರುವುದಿಲ್ಲ. ಪ್ರಸ್ತುತ ಶ್ರೀಗಳು 1992ರಲ್ಲಿ ಈ ಕ್ಷೇತ್ರಕ್ಕೆ ಆಗಮಿಸಿದಾಗ ಶ್ರೀಮಠವುಖಾಲಿ ಉಳಿದು ಜೀರ್ಣಗೊಂಡಿತ್ತು ಎಂದು ತಿಳಿದುಬರುತ್ತದೆ.ಈಗಿನ ಶ್ರೀಗಳಾದ ಶ್ರೀ.ಷ.ಬ್ರ. ರೇವಣಸಿದ್ದ ಶಿವಾಚಾರ್ಯ ಸ್ವಾಮಿಗಳುಹುಕ್ಕೇರಿಯವರಾಗಿದ್ದು ಪ್ರೌಢಶಿಕ್ಷಣ ಪೂರ್ಣಗೊಳಿಸಿ ನಂತರ ಮೈಸೂರಿನ ಶ್ರೀ ಜಪದಕಟ್ಟೆಮಠದಲ್ಲಿ ವೇದ, ಸಂಸ್ಕøತ, ಸಾಹಿತ್ಯಗಳನ್ನು ಕುರಿತು ಆಳವಾದ ಅಧ್ಯಯನ ನಡೆಸಿದ್ದಾರೆ.ತಮ್ಮ ವಿದ್ಯಾಭ್ಯಾಸ ಪೂರ್ಣಗೊಳಿಸಿದ ಶ್ರೀಗಳು 1992ರಲ್ಲಿ ಶ್ರೀಮಠಕ್ಕೆ ಆಗಮಿಸಿಜೀರ್ಣಗೊಳ್ಳುತ್ತಿದ್ದ ಮಠವನ್ನು ಭಕ್ತರ ಸಹಕಾರದೊಂದಿಗೆ ಜೀರ್ಣೋದ್ಧಾರಗೊಳಿಸಿಆನಂತರ 2000ದ ಏಪ್ರಿಲ್ 7 ರಂದು ಶ್ರೀಮದ್ ರಂಭಾಪುರಿ ಜಗದ್ಗುರುಗಳ ಸಾನಿಧ್ಯದಲ್ಲಿರಾಮದುರ್ಗ ತಾಲ್ಲೂಕಿನ ಎಂ. ಚಂದರಗಿಯ ಶ್ರೀ.ಷ.ಬ್ರ. ವೀರಭದ್ರ ಶಿವಾಚಾರ್ಯಮಹಾಸ್ವಾಮಿಗಳಿಂದ ಪಟ್ಟಾಧಿಕಾರ ಅನುಗ್ರಹ ಪಡೆದಿದ್ದಾರೆ.ಶ್ರೀಗಳು ಶ್ರೀಮಠವನ್ನು ಸರ್ವಾಂಗೀಣವಾಗಿ ಅಭಿವೃದ್ಧಿಗೊಳಿಸಲು ಶ್ರಮಿಸುತ್ತಿದ್ದುತಮ್ಮ ಧಾರ್ಮಿಕ ಆಚರಣೆಗಳ ಮೂಲಕ ಶ್ರೀಮಠವನ್ನು ಪ್ರಚಲಿತಗೊಳಿಸುತ್ತಿದ್ದಾರೆ.ನವರಾತ್ರಿಯಲ್ಲಿ ನಿತ್ಯ ಚಂಡಿಹೋಮ ಹಾಗೂ ಶ್ರಾವಣಮಾಸದಲ್ಲಿ ನಿತ್ಯಪುರಾಣಪ್ರವಚನಗಳನ್ನು ನಡೆಸುತ್ತಿದ್ದು, ಭರತ ಹುಣ್ಣಿಮೆಯಲ್ಲಿ ಏಳು ದಿನಗಳ ಕಾಲ ಅದ್ದೂರಿಯಾಗಿಶ್ರೀಮಠದ ಜಾತ್ರೆ ನಡೆಸುತ್ತಿದ್ದಾರೆ. ಈ ಸಮಯದಲ್ಲಿ ಶ್ರೀಮಠದಲ್ಲಿ ವಿವಿಧ ಧಾರ್ಮಿಕ,ಸಾಮಾಜಿಕ, ಸಾಂಸ್ಕøತಿಕ ಹಾಗೂ ಸಾಹಿತಿಕ ಕಾರ್ಯಕ್ರಮಗಳು ಆಯೋಜನೆಗೊಳ್ಳುತ್ತಿದ್ದುಅಪಾರ ಭಕ್ತ ಜನ ಪಾಲ್ಗೊಳ್ಳುತ್ತಾರೆ.