Shree Revansiddeshwara Swami Dasoha Matha Claimed

ಶ್ರೀ ರೇವಣಸಿದ್ದೇಶ್ವರ ಸ್ವಾಮಿ ದಾಸೋಹ ಮಠ – ಅವ್ವೇರಹಳ್ಳಿ

ಕರ್ತೃ – ಶ್ರೀ ಷ. ಬ್ರ. ಮುದ್ದುಬಸವಲಿಂಗರಾಜ ಶಿವಾಚಾರ್ಯ ಸ್ವಾಮಿಗಳು

ಅವ್ವೇರಹಳ್ಳಿ ಗ್ರಾಮದ ಸಮೀಪವೇ ರೇಣುಕ ಗಿರಿ ಎಂಬ ಪುರಾಣಪ್ರಸಿದ್ದ ಕಲ್ಲಿನಶಿಖರವು ಇದ್ದು ಈ ಶಿಖರವು ಧಾರ್ಮಿಕ ಮನೋಭಾವದವರಿಗೆ, ಪ್ರಕೃತಿ ಪ್ರಿಯರಿಗೆ,ಸಾಹಸಿಗಳಿಗೆ, ಭೂಶಾಸ್ತ್ರಜ್ಞರಿಗೆ, ಶಿˉÁಶಾಸ್ತ್ರಜ್ಞರಿಗೆ ಸವಾˉÁಗಿ ನಿಂತಿದೆ. ಇಂತಹ ಶಿಖರದತುತ್ತತುದಿಯಲ್ಲಿ ಆದಿ ರೇಣುಕರು ತಪಸ್ಸನ್ನು ಆಚರಿಸಿದ ಕಾರಣಕ್ಕೆ ಈ ಶಿಖರವು ರೇಣುಕಗಿರಿಎಂದು ಪುರಾಣದಲ್ಲಿ ಪ್ರಸಿದ್ದಿಯನ್ನು ಪಡೆದಿದೆ. ಇಂತಹ ಪುರಾಣ ಪ್ರಸಿದ್ದ ಶಿಖರದತಪ್ಪಲಿನಲ್ಲಿ ಅಸ್ತಿತ್ತ್ವದಲ್ಲಿರುವ ಮಠವೇ ಶ್ರೀ ರೇವಣ ಸಿದ್ದೇಶ್ವರ ಸ್ವಾಮಿ ದಾಸೋಹಮಠ.1890 ರಲ್ಲಿ ರಾಜಾಪುರ ಸಂಸ್ಥಾನ ಮಠದಿಂದ ಸಂಚಾರ ಬಂದು ರೇಣುಕಗಿರಿಯ ಪಕ್ಕದಲ್ಲಿ ನೆˉÉನಿಂತ ಶ್ರೀ ಷ.ಬ್ರ. ಮುದ್ದುಬಸವಲಿಂಗರಾಜ ಶಿವಾಚಾರ್ಯಸ್ವಾಮಿಗಳುತಮ್ಮ ಆಚರಣೆಗಳ ಮೂಲಕ ಭಕ್ತ ಬಳಗವನ್ನು ಸಂಪಾದಿಸಿಕೊಂಡು ಅವರಸಹಕಾರದೊಂದಿಗೆ 1902 ರಲ್ಲಿ ಶ್ರೀಮಠವನ್ನು ಸ್ಥಾಪಿಸಿದರೆಂದು ತಿಳಿದುಬರುತ್ತದೆ. ರೇಣಕಗಿರಿಗೆ ಬಂದ ಭಕ್ತರಿಗೆ ಪ್ರತಿನಿತ್ಯ ಪ್ರಸಾದದ ವ್ಯವಸ್ಥೆಗೆ ದಾಸೋಹ ಕ್ರಿಯೆಗಳನ್ನು ಆರಂಭಿಸಿದಶ್ರೀಗಳ ಕಾರಣದಿಂದಾಗಿ ಶ್ರೀಮಠಕ್ಕೆ ದಾಸೋಹಮಠವೆಂದೇ ಹೆಸರು ಬಂದಿದೆ.ಕರ್ತೃಗುರುಗಳ ನಂತರ ಬಂದ ಶ್ರೀ ಷ.ಬ್ರ. ಪಟ್ಟದ ಚನ್ನಬಸವರಾಜಶಿವಾಚಾರ್ಯ ಸ್ವಾಮಿಗಳು ಹಿರಿಯ ಗುರುಗಳು ನಡೆಸಿಕೊಂಡು ಬಂದಿದ್ದ ದಾಸೋಹಕ್ರಿಯೆಯನ್ನು ಮುನ್ನಡೆಸಿಕೊಂಡು ಭಜನೆ, ಉಪನ್ಯಾಸಗಳ ಮೂಲಕ ವೀರಶೈವ ಧರ್ಮವನ್ನುಪ್ರಚುರಗೊಳಿಸಿದರು. ರೇಣುಕರ ತತ್ತ್ವಗಳು, ಸಿದ್ದಾಂತ ಶಿಖಾಮಣಿಯ ಸಾರವನ್ನು ಭಕ್ತರಮನದಾಳಕ್ಕೆ ಮುಟ್ಟಿಸುತ್ತಿದ್ದ ಶ್ರೀಗಳು 1964 ರಲ್ಲಿ ಲಿಂಗೈಕ್ಯರಾದರು.ಈಗಿನ ಹಿರಿಯ ಶ್ರೀಗಳಾದ ಶ್ರೀ ಷ.ಬ್ರ. ಪಟ್ಟದ ಬಸವಲಿಂಗ ಶಿವಾಚಾರ್ಯಸ್ವಾಮಿಗಳು 1965ರ ಮೇ 10ರಂದು ಶ್ರೀಮಠದ ಅಧಿಕಾರ ವಹಿಸಿಕೊಂಡ ನಂತರ ಶ್ರೀಮಠವುಸರ್ವಾಂಗೀಣವಾಗಿ ಅಭಿವೃದ್ದಿ ಕಂಡಿದೆ. ಶ್ರೀಮಠದ ಧಾರ್ಮಿಕ ಆಚರಣೆಗಳನ್ನುಚುರುಕುಗೊಳಿಸಿದ ಶ್ರೀಗಳು ದಾಸೋಹವು ನಿರಂತರವಾಗಿ ನಡೆಯುವ ವ್ಯವಸ್ಥೆ ಮಾಡಿದ್ದಾರೆಹಾಗೂ ಶ್ರೀಮಠದ ಕಟ್ಟಡವನ್ನು ಜೀರ್ಣೋದ್ಧಾರಗೊಳಿಸಿ ವಿಸ್ತಾರಗೊಳಿಸಿದ್ದಾರೆ. ಶ್ರೀಗಳುಇತ್ತೀಚೆಗೆ 2008ರ ಫೆಬ್ರವರಿ 10 ರಂದು ಶ್ರೀ ಷ.ಬ್ರ. ಅಭಿನವ ಶ್ರೀ ರೇವಣಸಿದ್ದಶಿವಾಚಾರ್ಯ ಸ್ವಾಮಿಗಳನ್ನು ತಮ್ಮ ಉತ್ತರಾಧಿಕಾರಿಗಳನ್ನಾಗಿ ಪಟ್ಟಕ್ಕೆ ತಂದಿದ್ದಾರೆ.