Shree Hirematha Claimed

ಶ್ರೀ ಹಿರೇಮಠ

ಕರ್ತೃ – ಪೂಜ್ಯ ಶ್ರೀ ಮಲ್ಲಿಕಾರ್ಜುನ ಮಹಾಸ್ವಾಮಿಗಳು

ತುಮಕೂರು ನಗರದ ಚಿಕ್ಕಪೇಟೆಯಲ್ಲಿರುವ ಹಿರೇಮಠವು ಪ್ರಾಚೀನಕಾಲದ್ದಾಗಿದ್ದು ಶ್ರೀ ಶ್ರೀಶೈಲ ಪೀಠದ ಶಾಖಾಮಠವೆಂದು ಗುರುತಿಸಿಕೊಂಡಿದೆ. ಶ್ರೀ ಮಠಕ್ಕೆನೂರಾರು ವರ್ಷಗಳ ಇತಿಹಾಸವಿದೆ. ಆದರೆ ಅದೆಲ್ಲವೂ ಕಾಲಗರ್ಭದಲ್ಲಿ ಹುದುಗಿಹೋಗಿದೆ. ದಾಖಲೆಗಳ ತೀವ್ರತರ ಅಭಾವದಿಂದಾಗಿ ಈ ಮಠದ ಪ್ರಾಚೀನತೆಯಕುರಿತಾಗಲೀ, ಪರಂಪರೆಯ ಕುರಿತಾಗಲೀ ನಿಖರವಾಗಿ ಹೇಳಲು ಸಾಧ್ಯವಿಲ್ಲ. ಶ್ರೀ ಮಠದಲ್ಲಿಶ್ರೀ ಮಲ್ಲಿಕಾರ್ಜುನ ಮಹಾಸ್ವಾಮಿಗಳ ಗದ್ದುಗೆಯನ್ನು ಕೇಂದ್ರವಾಗಿಟ್ಟುಕೊಂಡು ಶ್ರೀಮಠಸ್ಥಾಪನೆಯಾಗಿರುವುದರಿಂದ ಅವರನ್ನೇ ಕರ್ತೃ ಗುರುಗಳೆಂದು ಗುರುತಿಸಲಾಗಿದೆ.ಶ್ರೀ ಹಿರೇಮಠವು 1996ರವರೆಗೆ ಗುರುಗಳಿಲ್ಲದೇ ಜೀರ್ಣಗೊಂಡಿತ್ತು. ಪುರಾತನಮಠವು ಗುರುಗಳಿಲ್ಲದೆ ಖಾಲಿ ಉಳಿದದ್ದನ್ನು ಮನಗಂಡ ವೀರಶೈವ ಮುಖಂಡರುರಂಭಾಪುರಿ ಶ್ರೀಗಳಲ್ಲಿ ಬಿನ್ನವಿಸಿಕೊಂಡಾಗ ಶ್ರೀ ಮಠಕ್ಕೆ ಪೀಠಾಧಿಪತಿಗಳಾಗಿ ಬಂದವರೇಈಗಿನ ಶ್ರೀಗಳಾದ ಡಾ. ಶ್ರೀ ಶಿವಾನಂದ ಶಿವಾಚಾರ್ಯ ಮಹಾಸ್ವಾಮಿಗಳು. ಬಿಜಾಪುರದಲ್ಲಿಜನಿಸಿದ ಶ್ರೀಗಳು ಕರ್ನಾಟಕ ವಿಶ್ವವಿದ್ಯಾನಿಲಯದಲ್ಲಿ ಸಂಸ್ಕøತದಲ್ಲಿ ಸ್ನಾತಕೋತ್ತರ ಪದವಿಪಡೆದರು. ಜಾನಕೀಹರಣಂ ಎಂಬ ಮಹಾಕಾವ್ಯದ ಮೇಲೆ ಸಂಶೋದನಾ ಪ್ರಬಂದಮಂಡಿಸಿ ಡಾಕ್ಟರೇಟ್ ಪಡೆದರು. ಮುಂದೆ ಕಾಶಿಗೆ ತೆರಳಿ ವೇದಾಂತಾಚಾರ್ಯ ಪರೀಕ್ಷೆಮುಗಿಸಿದ ಶ್ರೀಗಳು, ಕಾಶಿಯ ಬನಾರಸ್ ವಿಶ್ವವಿದ್ಯಾನಿಲಯದಲ್ಲಿ ಕಾನೂನು ಪದವಿಪೂರೈಸಿದರು.ತಮ್ಮ ವಿದ್ವತ್ನಿಂದ ಹೆಸರಾಗಿದ್ದ ಶ್ರೀಗಳು ಮೊದಲು ಗುಳೇದಗುಡ್ಡದಅಮರೇಶ್ವರ ಮಠದ ಪಟ್ಟಾಧಿಕಾರ ವಹಿಸಿಕೊಂಡಿದ್ದು, ತದನಂತರ ತುಮಕೂರಿಗೆ ಆಗಮಿಸಿಶ್ರೀ ಹಿರೇಮಠದ ಜವಾಬ್ದಾರಿ ಹೊತ್ತುಕೊಂಡರು. ಸಂಪೂರ್ಣ ಜೀರ್ಣಗೊಂಡಿದ್ದ ಶ್ರೀಮಠದ ಕಟ್ಟಡವನ್ನು ಅಭಿವೃದ್ದಿಗೊಳಿಸಿದ ಶ್ರೀಗಳು, ಹಿರೇಮಠದ ಸುತ್ತ ವಸತಿಸಂಕೀರ್ಣವನ್ನು ನಿರ್ಮಿಸಿದರು. ತದನಂತರ 1998ರಲ್ಲಿ ತಾವೇ ಅಭಿವೃದ್ದಿ ಪಡಿಸಿದ ಶ್ರೀಹಿರೇಮಠದ ಪಟ್ಟಾಧಿಕಾರದ ಅನುಗ್ರಹವನ್ನು ಪಂಚ ಪೀಠಗಳ ಜಗದ್ಗುರುಗಳು ಹಾಗೂಸಿದ್ದಗಂಗಾ ಶ್ರೀಗಳ ಸಾನಿಧ್ಯದಲ್ಲಿ ಪಡೆದುಕೊಂಡರು.ಶ್ರೀಗಳು ಶ್ರೀ ಮಠದ ಧಾರ್ಮಿಕ ಆಚರಣೆಗಳನ್ನು ಚುರುಕುಗೊಳಿಸಿದ್ದಲ್ಲದೇ ಶ್ರೀಮಲ್ಲಿಕಾರ್ಜುನ ಗುಡಿಯ ಗೋಪುರವನ್ನು ನಿರ್ಮಿಸಿದರು. ಪ್ರಪ್ರಥಮ ಬಾರಿಗೆಮಹಿಳೆಯರಿಗೆ ವೇದವನ್ನು ಹೇಳಿಕೊಡಲು ಪ್ರಾರಂಭಿಸಿದ ಶ್ರೀಗಳು ಶ್ರೀ ಮಠವನ್ನು ಸಂಸ್ಕಾರಶಿಬಿರಗಳು, ಬೇಸಿಗೆ ಶಿಬಿರಗಳು, ಶೈಕ್ಷಣಿಕ ಚಟುವಟಿಕೆಗಳ ಮೂಲಕ ಸದಾ ಚಟುವಟಿಕೆಯಕೇಂದ್ರವನ್ನಾಗಿ ಪರಿವರ್ತಿಸಿದ್ದಾರೆ ಹಾಗೂ ವಿದೇಶಗಳ ಧಾರ್ಮಿಕ ಮಹಾಸಭೆಗಳಲ್ಲಿಭಾಗವಹಿಸಿ ಶ್ರೀ ಮಠದ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.