Shrimad Ujjaini Saddharma Simhasana Mahapeetha Claimed

ಶ್ರೀಮದ್ ಉಜ್ಜಯಿನಿ ಸದ್ಧರ್ಮ ಸಿಂಹಾಸನ ಮಹಾಪೀಠ

ಕರ್ತೃ – ಶ್ರೀ ಜಗದ್ಗುರು ಮರುಳಾರಾಧ್ಯ ಶಿವಾಚಾರ್ಯ ಭಗವತ್ಪಾದರು

ಕೂಡ್ಲಿಗಿ ತಾಲ್ಲೂಕಿನ ಉಜ್ಜಯಿನಿ ಗ್ರಾಮವು ಶ್ರೀ ಸಿದ್ದೇಶ್ವರ ದೇವಾಲಯದಿಂದಹಾಗೂ ಅದಕ್ಕಿಂತಲೂ ಹೆಚ್ಚಾಗಿ ಇಲ್ಲಿ ಸ್ಥಾಪಿತಗೊಂಡಿರುವ ಪಂಚಪೀಠಗಳಲ್ಲಿ ಒಂದಾದಶ್ರೀಮದ್ ಉಜ್ಜಯಿನಿ ಸದ್ಧರ್ಮ ಸಿಂಹಾಸನ ಮಹಾಪೀಠದಿಂದ ದೇಶವ್ಯಾಪಿ ಪ್ರಸಿದ್ಧಿಪಡೆದಿದೆ. ಈ ಕ್ಷೇತ್ರವು ಕರ್ನಾಟಕದ ಪ್ರಮುಖ ಧಾರ್ಮಿಕ ಕೇಂದ್ರಗಳಲ್ಲಿ ಒಂದಾಗಿದ್ದುಕರ್ನಾಟಕದ ಧಾರ್ಮಿಕ ಇತಿಹಾಸದಲ್ಲಿ ತನ್ನದೇ ಆದ ಪ್ರಾಮುಖ್ಯತೆಯನ್ನು ಹೊಂದಿದೆ.ಶ್ರೀಮದ್ ಉಜ್ಜಯಿನಿ ಪೀಠದ ಪರಂಪರೆಯ ಮೂಲ ಪುರುಷರು ಶ್ರೀಮರುಳಸಿದ್ಧರೆಂದು ಹಾಗೂ ಇವರೇ ಕೃತಯುಗದಲ್ಲಿ ಶ್ರೀ ದ್ವೈಕ್ಷರ ಶಿವಾಚಾರ್ಯರು,ತ್ರೇತಾಯುಗದಲ್ಲಿ ದ್ವಿವಕ್ತ್ರ ಶಿವಾಚಾರ್ಯರು, ದ್ವಾಪರಯುಗದಲ್ಲಿ ಶ್ರೀ ದಾರುಕಶಿವಾಚಾರ್ಯರು ಮತ್ತು ಕಲಿಯುಗದಲ್ಲಿ ಶ್ರೀ ಮರುಳಾರಾಧ್ಯ ಶಿವಾಚಾರ್ಯರೆಂಬಅಭಿದಾನದಿಂದ ಅವತರಿಸಿದರೆಂದು ಹೇಳಲಾಗುತ್ತದೆ.ಮೂಲ ಮಧ್ಯಪ್ರದೇಶದ ಉಜ್ಜೈನಿಯಲ್ಲಿ ಸ್ಥಾಪಿತಗೊಂಡಿದ್ದ ಸದ್ಧರ್ಮ ಪೀಠವುವೀರಶೈವ ಧರ್ಮಾಚರಣೆಗಳನ್ನು ಜನರಿಗೆ ತಲುಪಿಸಲು ಯಶಸ್ವಿಯಾಗಿತ್ತು. ಶ್ರೀಮರುಳಾರಾಧ್ಯ ಶಿವಾಚಾರ್ಯರು ಉಜ್ಜೈನಿಯಲ್ಲಿ ಸ್ಥಾಪಿಸಿದ ಸದ್ಧರ್ಮ ಪೀಠವು ಅವರನಂತರ ಸಾವಿರಾರು ವರ್ಷಗಳ ಕಾಲ ಧರ್ಮಪ್ರಸಾರ ಕಾರ್ಯವನ್ನು ಯಶಸ್ವಿಯಾಗಿಮಾಡಿಕೊಂಡು ಬಂದಿರುವುದನ್ನು ಗಮನಿಸಬಹುದು. ಆದರೆ ಕಾಲಾನಂತರ ಸುಮಾರು15ನೇ ಶತಮಾನದಲ್ಲಿ ಶ್ರೀ ಜಗದ್ಗುರು ಮರುಳಸಿದ್ಧ ಶಿವಾಚಾರ್ಯರ ಕಾಲದಲ್ಲಿ ಸದ್ಧರ್ಮಪೀಠವು ಕರ್ನಾಟಕದ ಬಳ್ಳಾರಿ ಜಿಲ್ಲೆಯ ಉಜ್ಜಯಿನಿಗೆ ಸ್ಥಳಾಂತರಗೊಂಡಿತು ಎಂದುಹೇಳಲಾಗಿದೆ.ಶ್ರೀಮಠದ ಮೂಲ ಆಕರ ಗ್ರಂಥಗಳ ಪ್ರಕಾರ ಶ್ರೀ ಮರುಳಸಿದ್ಧರು ಮೂಲಉಜ್ಜಯಿನಿಯಿಂದ ಸಂಚಾರ ಹೊರಟು ಕರ್ನಾಟಕದ ಉಜ್ಜಯಿನಿಯಲ್ಲಿ ನೆಲೆನಿಂತಾಗ ಈಭಾಗವನ್ನು ಆಳುತ್ತಿದ್ದ ಜರಮಲೆ ರಾಜರು ಗುರುಗಳ ದರ್ಶನ ಭಾಗ್ಯದಿಂದ ಪುನೀತರಾಗಿಶ್ರೀಕ್ಷೇತ್ರದಲ್ಲಿ ಶ್ರೀಮಠವನ್ನು ಕಟ್ಟಿಸಿಕೊಟ್ಟು ದೇವಸ್ಥಾನದ ಸುತ್ತ ಒಂಬತ್ತು ಪಾದಗಟ್ಟೆಗಳಪ್ರದೇಶವನ್ನು ಜಗದ್ಗುರುಗಳಿಗೆ ಅರ್ಪಿಸಿದರೆಂಬುದು ಪ್ರತೀತಿ.ಹೀಗೆ ಮುಂದುವರಿದ ಶ್ರೀಪೀಠದ ಪರಂಪರೆಯು ಇಲ್ಲಿನವರೆಗೂ 115ಗುರುಗಳನ್ನು ಕಂಡಿದೆ. ಸಾವಿರಾರು ವರ್ಷಗಳ ಕಾಲ ಇಡೀ ದೇಶದ ಉದ್ದಗಲಕ್ಕೂಶ್ರೀಮಠದ ಗುರುಗಳು ವೀರಶೈವ ಧರ್ಮಪ್ರಸಾರ ಕಾರ್ಯವನ್ನು ಅತ್ಯಂತ ಯಶಸ್ವಿಯಾಗಿಮಾಡಿದ್ದು ಶ್ರೀಮಠಕ್ಕೆ ದೇಶದ ತುಂಬೆಲ್ಲಾ ಶಾಖಾಮಠಗಳಿವೆ. ಹಾಗೂ ಈಗಲೂ ನೂತನಶ್ರೀಮದ್ ಉಜ್ಜಯಿನಿ ಸದ್ಧರ್ಮ ಸಿಂಹಾಸನ ಮಹಾಪೀಠಶಾಖಮಠಗಳು ಸ್ಥಾಪನೆಯಾಗುತ್ತಲೇ ಇದ್ದು ಜನರಿಗೆ ಧಾರ್ಮಿಕತೆಯ ಅರಿವನ್ನುಮೂಡಿಸುವ ಕಾರ್ಯದಲ್ಲಿ ತೊಡಗಿಕೊಂಡಿವೆ. ಹಾಗೆಯೇ ತಮ್ಮ ಸಾಮಾಜಿಕ ಕಾರ್ಯಗಳಮೂಲಕ ಅಲ್ಲಲ್ಲಿ ವಿದ್ಯಾಸಂಸ್ಥೆಗಳು ಸ್ಥಾಪನೆಯಾಗಲು ಕಾರಣರಾಗಿ ವಿದ್ಯಾಕ್ರಾಂತಿನಡೆಯುವಲ್ಲಿ ಮಹತ್ವದ ಪಾತ್ರ ವಹಿಸಿದೆ.ಶ್ರೀಮಠದ ಹಿಂದಿನ ಗುರುಗಳಾದ ಶ್ರೀ ಮರುಳಸಿದ್ಧ ಶಿವಾಚಾರ್ಯ ಸ್ವಾಮಿಗಳು1995ರ ನವೆಂಬರ್ 5ರಂದು ಪೀಠದ ಅಧಿಕಾರ ವಹಿಸಿಕೊಂಡು ಮಠವನ್ನುಮುನ್ನಡೆಸಿದ್ದಾರೆ. ಶ್ರೀಗಳು ಇದಕ್ಕೂ ಮೊದಲು ಎಮ್ಮಿಗನೂರು ಮಠದ ಅಧಿಕಾರತದನಂತರ ಶಿರಗುಪ್ಪ ತಾಲ್ಲೂಕಿನ ಶಿರಿಗೆರೆ ಗ್ರಾಮದ ಪಾಠಶಾಲೆ ಮಠದ ಅಧಿಕಾರವನ್ನುವಹಿಸಿಕೊಂಡು ಮಠಗಳನ್ನು ಮುನ್ನಡೆಸಿದ್ದವರು. ಶ್ರೀಗಳು ಕಾಶಿಯಲ್ಲಿ ಸಂಸ್ಕøತ, ವೇದಹಾಗೂ ಆಗಮಗಳ ಅಭ್ಯಾಸ ಮಾಡಿದವರು.ಶ್ರೀಗಳು ಅಧಿಕಾರಕ್ಕೆ ಬಂದ ನಂತರ ಶ್ರೀಮಠವು ಇನ್ನಷ್ಟು ಅಭಿವೃದ್ಧಿ ಕಂಡಿತು.ಜೊತೆಯಲ್ಲಿ ಶ್ರೀಮಠದ ಆದಾಯ ಮೂಲಗಳನ್ನು, ಆಸ್ತಿಗಳನ್ನು ಪತ್ತೆಹಚ್ಚಿ ಅವುಗಳನ್ನುಕ್ರಮಬದ್ಧಗೊಳಿಸಿ ಶ್ರೀಮಠದ ಆರ್ಥಿಕತೆಯನ್ನು ಹೆಚ್ಚಿಸಿರುವುದಲ್ಲದೇ ಅದರ ಸಹಾಯದಿಂದಶ್ರೀಮಠದ ಅಭಿವೃದ್ಧಿಯನ್ನು ನಿರ್ವಹಿಸಿದ್ದಾರೆ.ಈಗಿನ ಶ್ರೀಗಳಾದ ಶ್ರೀ ಸಿದ್ದಲಿಂಗ ರಾಜದೇಶೀಕೇಂದ್ರ ಶಿವಾಚಾರ್ಯರುಶ್ರೀಪೀಠದ ಆಡಳಿತವನ್ನು ವಹಿಸಿಕೊಂಡು ಮಠವನ್ನು ಸಮರ್ಥವಾಗಿ ಮುನ್ನಡೆಸುತ್ತಿದ್ದಾರೆ.ಶ್ರೀಗಳು ಇದಕ್ಕೂ ಮೊದಲು ರಾಣೆಬೆನ್ನೂರು ತಾಲ್ಲೂಕು ಮುದೇನೂರು ಶ್ರೀ ಹಿರೇಮಠದಪಟ್ಟಾಧಿಕಾರ ಪಡೆದು ಮಠದ ಆಡಳಿತ ನೋಡಿಕೊಂಡಿದ್ದವರು ಶ್ರೀಗಳು ಸ್ನಾತಕೋತ್ತರಪದವೀಧರರಾಗಿದ್ದು ಶ್ರೀಮಠದಲ್ಲಿ ಇನ್ನೂ ಹೆಚ್ಚಿನ ಶೈಕ್ಷಣಿಕ, ಧಾರ್ಮಿಕ ಹಾಗೂಸಾಮಾಜಿಕವಾಗಿ ಕಾರ್ಯಕ್ರಮಗಳನ್ನು ನಡೆಸಲು ಉತ್ಸುಕರಾಗಿದ್ದಾರೆ.

ಮೂಲ ಉಜ್ಜಯಿನಿ ಪೀಠದ ವಿಳಾಸ

Oojeini Sadharma Peetha
Sidhavath, Bhairav Ghad, Ward No.1, Oojeini peetha,
Oojeini (M.P.) Ph: 0734-2580613